كلفتي نفسك حيل يوم اتصلتي
ما كان له داعي حقيقه اتصالك
سنتين خنتيني وعقبن سألتي
وش فايده عقب الخيانه سؤالك
على العموم بخير مهما فعلتي
مرتاح في شمسي ولابي ظلالك
بس الغريبه كيف انتي وصلتي
للحال هذا وصار هالحال حالك
وشلون من عالى مقامك نزلتي
في عين من طحتي من اول وشالك
لاتسكتين شفيك يعني إنخذلتي
عادى انا ياما خذلني وصالك
وكانك زعلتي وش يصير إن زعلتي
مشكلتك انتي هي مالي ومالك
الظاهر إنك ناسيه ويش قلتي
ليه يوم إني كنت كلي حلالك
اجمل ليالي العمر بيدك قتلتي
طعنتي قلب اللى عنالك وجالك
ياليت يوم إنك حكمتي عدلتي
ماكان قلبي شاف حبن بدالك
هذي عمايل يدك اللى عملتي
جزاك من فعلن عملتيه نالك
والحين في يدك ولاشي نلتي
غير التعب والهم ماشي طالك
بقولك حاجه مدام اتصلتي
لاعاد عقب اليوم اشوف اتصالك
,,,,,,,,,,,,,,,,,,,,, منقول ,,,,,,,,,,,,,,
الرئيسية 
الخميس سبتمبر 25, 2008 7:26 pm
بس يعور القلب 
